ACCENDONES

ACCENDONES: ACCENDONES

apud Tertullian. de Pall. c. ult. Verum et accendones et omnis gladiatorum ignominia togata producitur ex correctione Salmasii, cum prius legeretur et cerdones: Lanistae sunt, quomodo eos vocare Tertulliano libitum est, quod gladiatores accenderent et excitarent ad pugnam. Idem ad Martyres: Nec tantus ego sum, ut vos alloquar: Sed tamen et gladiatores perfectissimos, non tantum Magistri et Praepositi sui, sed etiam idiotae, et supervacui quique adbortantur de longinquô, ut saepe de ipso populo dictata suggesta, profuerint. Ubi Magistri et Praepositi gladiatorum lanistae sunt, qui eos de propinquô adhortabantur et accendebant, dictataque illis

suggerebant. Ideoque et cum gladiatoribus productos dicit heic Auctor, ut pugnaturis adsisterent, et ad fortiter faciendum incitarent. Accendones itaque sunt ἐρεθιςταὶ, ab accendo, ut Comedones a comedo, etc. Virgilius: Aen.

l. 7. v. 550.

Accendamque animos insani Martis amore.

Et alibi: Aen. l. 6. v. 165.

Aere ciere viros, Martemque accendere cantu etc.

Togati hi fuêre, ut et gladiatores; unde togam inter gladiatoria Commodi instrumenta et ornamenta recenset, in Pertinace, Iul. Capitolin. c. 8. quorum hi tamen, cum pugnarent, illas deponebant. Vide Salmas. ad Tertullian. loc. cit. p. 473.

Игры ⚽ Поможем написать курсовую

Accendones — (röm. Ant.), angeblich so v.w. Lanistä, sofern sie die Gladiatoren (s.d.) zum Kampfe anfeuerten … Pierer's Universal-Lexikon
Accendones — Accendones, bei den Römern die Aufseher der Gladiatoren; auch die Leute, welche die Fechter beim Kampfe anfeuern mußten … Herders Conversations-Lexikon
LANISTA — Isid. est praefectus Gladiatorum, qui eos ad mutuam lanienam instituebat. Vox Thufca. ab hisce enim Gladiatores, Nic. Damasc. Conducebantur Lanistae ingenti pretio: qui, cum opus esset, proposita paria indicabant, quanti? iugulatorum pretia non… … Hofmann J. Lexicon universale

Academic Dictionaries and Encyclopedias